Alamli dunyoda

Malika
2016 » Fevral » 25

Alamli dunyoda

ALAMLI DUNYODA

Qo‘llarim shoxlarday zor qolgan kunlar,

Dil ketib, valekin or qolgan kunlar

Sen ketding, muzladi o‘ng ila so‘lim,

Alamli dunyoda alamli gulim.

Suvlarda sadosiz sindilar oylar,

Afsunday jim, sokin okdilar soylar.

Tugunlarin ochib yillar va oylar

O’tdilar, sen hamon tili tugunim,

Alamli dunyoda alamli gulim.

Sendan so‘ng ko‘nglimni beomon yanchib,

Ne suluvlar o‘tdi o‘zicha ranjib,

Baland poshnalarin ko‘ksimga sanchib,

Bevaqt so‘ldirdilar sehru jununim,

Alamli dunyoda alamli gulim.

Mung‘ayib qoldilar umid bog‘lari,

Mangu zirqiraydi bag‘ir dog‘lari,

Bog‘larning dudlari hamda zog‘lari

Mening fig‘onimdir ham mening kulim,

Alamli dunyoda alamli gulim.

Bu holim ko‘rganlar taqdir, deydilar,

Taqdir azal-azal hakdir, deydilar,

Chin qalblar hamisha toqtsir, deydilar,

Qanday san’atdir bu, qandayin ilm?

Alamli dunyoda alamli gulim.

Senga shamim shomlar munglar keltirib,

Menga tiriklikdan aytib, bildirib,

Kuygan ko‘klamlarning o‘rnin to‘ldirib,

Ko‘ksimda yashaydi eng go‘zal o‘lim,

Alamli dunyoda alamli gulim.

Поделись с друзьями:

- Добавлен: Malika
- Дата публикации: 25.02.2016 17:09

Izoh yozib qoldirishni unutmang, sizning izohingiz bizning ishlash darajamizni oshiradi.