Сўннги пайтларда бир қатор хит тароналарни тақдим этиб келаётган Алишер Файз ҳақида нималарни биласиз? Биз хонанда ҳақидаги 11 та фактни эътиборингизга ҳавола этамиз. 1. Турдиев Алишер Баҳодирович 1984-йил 27-январда Наманган вилояти, Чортоқ шаҳрида таваллуд топган. 2. 1994-2001 йиллар давомида "Глиер” номидаги мусиқа мактабида дутор бас мутаҳассислиги бўйича таҳсил олган. 3. 2001-2005 йилларда Ўзбекистон Давлат консерваториясида ўқиш билан бир қаторда устози Озодбек Назарбеков кўмагида мустақил ижод қила бошлади. 4. Алишерни илк бор 2005-йил 15-16 май кунлари устози Озодбек Назарбеков "Юрагимда куйлаганим сен” деб номланган концерт дастурида катта саҳнага олиб чиқди ва шу дастурда у ўзининг "Мени кечир” номли таронасини ижро этган. 5. 2007-йилда "Кўнгил истаб…" номли илк қўшиқлар тўпламини Алишер Файз тахаллуси билан мухлисларга тақдим этди. 6. 2008-йил 21-22 май кунлари "Истиқлол" санъат саройида "Умидим сендан…" номли илк яккахон консерт дастури мухлислар олқишига сазовор бўлди. 7. 2012 йил 27 август куни Алишер ФАЙЗ Ўзбекистон Республикаси президенти фармони билан "Ўзбекистон Республикасида хизмат кўрсатган артист" унвони билан тақдирланди. 8. Хонандаликдан ташқари шеър ёзиш билан ҳам шуғулланади. 9. Хоббиси: футбол тўпларини йиғиш? 10. Таомлардан ошни яхши кўради. 11. Саҳнадаги одати: ҳаяжонланганидан қўли билан оёғини уриб туради.
