Ayollar bor - erkaklarning baxtidir, Ayollar bor - jannat uning taxtidir, Ayollar bor - faqat janjal istaydi, Ayollar bor - tinmasdan pul qistaydi... Ayollar bor - so'zlari boldan shirin, Ayollar bor - hech kimga bermas sirin. Ayollar bor - vayrona koshonasi, Ayollar bor - g'iybat uning onasi. Ayollar bor - yaratilgandek nurdan, Ayollar bor - bilmam qaysi unsurdan. Ayollar bor - turolmaydi kiyimsiz, Ayollar bor - kiyim kiygan kiyimsiz. Ayollar bor - sochin ko'rmagan shamol, Ayollar bor - o'ylashga ojiz xayol. Ayollar bor - oshig'i ko'p sochidan, Ayollar bor - yolg'on anqir yoshidan. Ayollar bor - ifori guldan hushbo'y, Ayollar bor - go'zal, chiroyli, hushro'y. Ayollar bor - hijob uning niqobi, Ayollar bor - behayolik kitobi. Ayollar bor - odobi ma'lum ko'zdan, Ayollar bor - pul uchun kechar o'zdan. Ayollar bor - aziz deyishga loyiq, Ayollar bor - bunday nomga noloyiq. Ayollar bor - qalqon bo'lgan ko'kragi, Ayollar bor - ayollarning erkagi. Ayollar bor - zo'rman deya kerilgan, Ayollar bor - erkaklardan yaralgan.