Бахт нима? Қизиқ-а?! Иккитагина сўздан иборат бўлган бир савол, лекин жавоблар турлича. Менимча, ҳар бир инсон ҳаёти давомида бир марта бўлса ҳам бу саволга тутилади. Бугун мен ҳам бу саволни ўзимга бергим ва қалбимда кезиб юрган фикрларни бироз ойдинлаштиришни хоҳладим. Бошида, хаёлимда кетма-кет, тизилиб турган жавоб занжирларини янчиб ташлаб, айтарлик бир жавоб топишим қийин бўлди. Лекин, хамма ўйимни жамлаб, бир хулосага келадиган бўлсам, шуни айта оламанки, бахтнинг энг туб илдизини иймон хосил қилар экан. Ва шундан келиб чикади, Бахт – АЛЛОҲ ТАОЛОНИ ҲАР ДОИМ,ҲАР БИР НАФАСДА ХИС КИЛА ОЛИШ НЕЪМАТИ. Роббимиз бизга яқин бўлгани каби, биз хам оз бўлса - да яқинлик бахтини хис эта олишимиз. БАХТ - Қалбнинг Аллохнинг зикридан ором олиш даражасига етиши. Қандайдир озор етса фақат ва фақат Аллохдан малҳам излаш. БАХТ - нафсни, рухни тозалашга тинимсиз равишда интилиб бориш. Ха, нафсун мутмаиннага етиш жуда қийин лекин Аллоҳнинг розилигини кўзлаб, эртаю кеч бунга талпинишни ўзи бир бахт!. БАХТ - Қуръон ўқиш давомида, рахмат оятлари ўқиши билан беихтиёр қалбнинг қувнаши, ғазаб оятларидан эса қўрқувни хис эта олиш неъмати. Яна айтайми,бахт нима ? БАХТ - Пайғамбар с.а.в нинг ҳаётини ўрганиш давомида, Хадича р.а онамизнинг вахий келиш давридаги Росулуллох с.а.в га берган тасаллисидан таъсирланиб, жуфтига шундай таянч бўлишни орзу қилган ёшгина қалб. БАХТ - айнан дуо қабул бўладиган вақтларда, солиҳ жуфтни кўзда ёш билан ёлвориб сўраш. БАХТ- иймон таъсиридан сирғалиб чиққан кўз ёш. Аллохдан узоқлашишдан қўрқиб, узоқлашишга сабабчи бўлувчи барча нарсадан ўзини узоқлаштириш. Бахтни таърифласам, охири йўқ экан,чексиз... Сўзимнинг охирини Бахтнинг яна бошқа чиройли кўриниши билан якунлашни хохладим. БАХТ БУ ХУЛҚ. Айтганимнинг сабаби шуки, биз жуда ожизмиз, шу ўринда ожизона қилаётган ибодатларимиз фойда бериш бермаслиги бизга жуда қоронғу. Лекин хадисда келгандай, гўзал ахлоқли инсонга жаннатда даражаларнинг юқориси ваъда қилинган. Демак, даъвомий равишда чиройли хулқ ва чиройли амалларни дуода сўраш ва шунга эришиш ЭНГ МУКАММАЛ БАХТ!!! Сиз-чи ? Сиз хам ўзингизни шундай саволга тутганмисиз? Сизнингча бахт нима?
