Birinchi Yor
Birinchi Yor
Yostig'im bag'rida soching tolasi.
Yuragim qarida qalbing nolasi.
Kechir men xayotning nodon bolasi.
Qadringa yetmadim ey birinchi yor.
Ermakka aylandi so'zlarim endi.
Somondek sarg'aydi yuzlarim endi.
Pingxon kulib ketti do'stlarim endi.
Men esa yig'ladim ey birinchi yor.
Bilib tinchimadim nechun sen bilan.
Kengashib yurmadim bag'ri keng bilan.
O'lsam o'lardinku ahir men bilan.
Hech vafo qilmadim ey birinchi yor.
Adashgan bandaman yo'lin yo'qotgan.
Ko'ngil gulzoridan gulin yo'qotgan.
Umrim o'taverar tilim yo'qolgan.
Ming azob tinkladim ey birinchi yor.
O'lsam oh urguvchi bir ilhaq onam.
Ortimdan zorlanar qayda deb bolam.
Xijronning qarida tosh qotar tanam.
Yashashga ko'nmadim ey birinchi yor.
Xurshid Rasulov
Поделись с друзьями:
- Добавлен: Crash
- Дата публикации: 30.08.2015 20:17