Yangi yildan MY5 (“Mening yurtim”) telekanalida yangi sitkom (situatsion komediya) seriallar efirga uzatiladi. Bu haqda “Darakchi” gazetasi xabar bermoqda. Xususan, rejissyor Ayub Shahobiddinov tomonidan suratga olingan “Artist” serialida san’atkorlarning hayoti hajviy talqinda namoyish etilgan. Rejissyor Nozim To‘laxo‘jayev tomonidan ishlanayotgan serial ham shu yo‘nalishda tasvirga olingan bo‘lib, ko‘p qismli telemahsulot mavzusi hozircha sir saqlanmoqda. Shuningdek, “Bojalar” guruhi telekanal buyurtmasiga asosan “Bojalar drayv” nomli sitkom uslubidagi serialni suratga olishni boshlab yuborgan.
