Туман 1977 йилда ташкил топган бўлиб, маркази Бустон шаҳри, жами ер майдони 541920 га, шундан шаҳар ер майдони 768 га. 2015 йил 1 январ ҳолатига кўра туман аҳолиси сони 143,2 минг кишини ташкил этади. Шундан 17,2 минг киши шаҳарда, 126,0 минг киши қишлоқда яшайди. Туман ғарб ва шимолдан Беруний тумани, шарқдан Навоий вилояти, жанубдан Тўрткўл тумани ва жанубий-ғарбдан Хоразм вилояти билан чегарадош. Туманда битта туман қарамоғидаги шаҳар, 1 та шаҳарча типидаги посёлка 16 та маҳалла, 13 та овул фуқаролар йиғини (Қизилқум, Гулдурсин, А. Навоий, Эллиққалъа, Амиробод, Дўстлик, Қилчиноқ, Пахтачи, Қирққиз, Сарибий, Тозабоғ, Шарқ Юлдузи, Ақчакўл,) бор. Туман асосан қишлоқ хўжалиги, асосан пахта ва ғаллачиликка ихтисослашган. Қишлоқ хўжалигига яроқли ерлар 387479 гектарни ташкил қилади, шундан экин майдони 28712 гектар ва қишлоқ жойларида яшовчи фуқароларга 4094 гектар томорқа ерлари ажратиб берилган.