Минг афсус”, “Бу ёмғирмас”, “Хаёлим сенда” каби тароналари билан мухлислар қалбидан ўрин олган хонанда Жасур Ғойипов "Сабо" газетасига берган интервьюсида Майкл Жексон билан қай тарзда учрашиб қолгани ҳақида сўзлаб берди. "Майкл Жексоннинг ижодига ёшлигимданоқ қизиқар эдим. Унга ўхшаб ўйнашга ҳаракат қилардим. Саҳнада қилган бир-икки дона ҳаракати учун бутун зал уни гулдуроз қарсаклар билан ва балан овозда бақириб олқишлаши мени ҳайратга солар эди. Яна қўшиқ айтиш билан бир пайтда рақсга тушиши менга иложсиздек туюларди. Хуллас бир куни тоғам Даврон Ғоипов “Юр, кеттик Москвага”, деганлар. Нимага кетаётганимизни айтмаганлар. Ёшлигимда қора танлилардан жуда қўрқар эдим, чунки акаларим менга улар ҳақида фақат ёмон гаплар айтиб, қўрқитишар эди. Москвага етиб борганимиздан сўнг мени “Олимпийский” концерт залига олиб кетишди. Бир пайт баҳайбат қора танли одам қўлимдан ушлаб хонага олиб кирмоқчи... Ўша дақиқалар ҳеч қачон эсимдан чиқмайди. Хаттоки йиғлаб юборганман. У бўлса оппоқ тишларини кўрсатиб кулиб юборган эди. Роса бақириб қаршилик кўрсатганман. Албатта буларнинг барчаси зое кетган. Сўнгра мени ўша пайтда Москва аэропортининг бошлиғи Виталий Владиславович исмли инсон ўзлари хонага олиб кирганлар. У ерда Майкл Жексон бор эди. У мени ўзи билан олиб кетмочи ҳам бўлган эди, “Бизникиларга жуда ўхшар экан”, деган", - дейди жасур Ғойипов.
