Yolg'on
Meni aldab nima topdingiz,
Yolg'onlardan, yolg'onroqmidim.
Rost so'ylashga yo'qmi tobingiz,
Yomonlardan, yomonroqmidim?
Ne ko'ribman men sizni suyib,
Qolib ketdim qurshovingizda.
Tutay-tutay kul bo'ldim kuyib.
Yonayverib olovingizda.
Yomon tushlar ko'rsam gohida,
Yahshilikka yo'yaman uni.
Yig'lab oyning guvohligida,
Oq shu'laga chayaman uni.
So'ng o'zimni ishontiraman,
"Aldangan-siz, men emas go'yo.
Yulduzlarni yomon ko'raman,
Yolg'onchidir asli bu dunyo".
Jon-jonimni o'yib ketdiku,
Sizning sodda yolg'onlaringiz.
Bu dunyodan to'yib ketdiku,
Yomonlardan yomonrog'ingiz.
Капалакдай келиб, қошингга
қўниб,
Кўзингга термулиб умрим ўтсайди...
Нима ҳам кўрибман, мен йигит
бўлиб? Сочингни силашга қўлим етмайди.
Пешонам шу экан, пешонанг
шудир,
Тушимга кир энди, тушларимга кир.
Товонинг ўпади ариқдаги сув,
Кўйлагинг этагин ўпади майса. Мен-чи, бир гиёҳча бўлолмадим-ку,
Эй, кўзлари жайрон, кирпиги
найза!
Пешонам шу экан, пешонанг
шудир,
Тушимга кир жоним, тушларимга кир.
Кўчиб бораётир бу умр - карвон,
Кунларнинг бўйнида юрак
қўнғироқ.
Мен сенга армону сен менга армон,
Кўнглимнинг тўрида тутар шамчироқ.
Пешонам шу экан, пешонанг
шудир,
Тушимга кир жоним, тушларимга
кир...
Капалакдай келиб, қошингга қўниб,
Кўзингга термулиб умрим ўтсайди.
Қолдинггу бағримда жонимдек
бўлиб,
Сочингни силашга қўлим етмайди.
Пешонам шу экан, пешонанг шудир,
Тушимга кир жоним, тушларимга
кир...
