Tunlar uyqularing olib ketadi, Oshiqni yo yetuk, yo xor etadi. Ko'zga intizorlik solib ketadi, Ishq maqtov, gohida haqorat, do'stim. Sevgining qo'lidan tutgancha mahkam, Dardli yuragingga so'rasang malham. Shunda qo'yajaksan birinchi qadam, Muhabbat u ko'ngilga halovat, do'stim. Kimlardir sevgidan ichadi sharob, Kimningdir qalbida tomchilar zardob. Yana kim uni deb xoru zor, harob, Muhabbat gohida razolat, do'stim. Hissiz yuraklarga singdirib mehr, Ayovsiz yetkazar sinash-chun jabr. Sevgi g'ururlidir, lek suymas kibr, Uni tuymoq mushkul bag'oyat, do'stim
