Gulzorini so’ldirsangiz ham Paymonasin to’ldirsangiz ham, Jonin olib, o’ldirsangiz ham Sevishini aytmaydi qizlar… Yulduz misol yog’dular sochib Sirlarini tunlarga ochib, Ko’zlarini yashirib, qochib, Sevishini aytmaydi qizlar… -Tushunmaydi, eh, hali yosh deb, Gap uqmaydi yoki bebosh deb, Yo’q. O’ylamang hech bag’ritosh deb, Sevishini aytmaydi qizlar… Beg’ubor-u orzusi osmon, Muhabbati yurakda pinhon, Yaxshi ko’rar, lekin hech qachon Sevishini aytmaydi qizlar… Butun qalbi otashda yonar, Balki sizni juda qizg’onar, Sevgisidan jilmayib tonar, Sevishini aytmaydi qizlar… Alam bilan fig’onga to’lmang, Jonni berib, poyida o’lmang, Eh, yigitlar, ovora bo’lmang, Sevishini aytmaydi qizlar…
