Ollohga nima deyman

zulfi-yuksel
2016 » Fevral » 14

Ollohga nima deyman

Кимдир ўйлар эртага,
Нима ичиб не ейман?
Менчи ўйлайман ўлсам,
Аллохга нима дейман?
Гохи харом ютганман,
нафс қўлидан тутганман,
намозни унутганман,
Аллохга нима дейман?
Нафс ортида турганман,
Хирс йўлида юрганман,
Юзим айбга бурганман
Аллохга нима дейман?
Шайтон елкамга минса,
ихлос чечагим синса,
бир кун юрагим тинса,
Аллохга нима дейман?
Айбга тўла тўрт ёним,
бўшдир савоб хамёним,
чўғда ёнарми жоним?
Аллохга нима дейман?
Гунохларим бир гала,
хайрияларим хам чала,
дуоим бехафсала,
Аллохга нима дейман?
Йиғлар Бомдод, Пешиним,
Аср, Шом хам Хуфтоним,
йиғлаётир виждоним,
Аллохга нима дейман?
Подшох билиб боламни,
гох ранжитдим отамни,
йиғлатдим хам онамни,
Аллохга нима дейман?
Хушим олди жононлар,
дўст тутинди нодонлар,
тил сўзлади ёлғонлар,
Аллохга нима дейман?
Гарчи номим мусулмон,
Ғайридиндай мен нодон,
Ёдламагандим Қуръон,
Аллохга нима дейман?
Юрагим хадиксирар,
кўзимда ёш ялтирар,
тиззаларим қалтирар,
Аллохга нима дейман?
Май тўлдириб қадахга,
чипта олиб Дўзахга,
Қолдимку, эх мазахга,
Аллохга нима дейман?
Гунохим кўплигидан,
Сиротнинг кўпригидан,
Қандай ўтадирман ман?
Аллохга нима дейман?
Гохи бўлдим такаббур,
Хеч қилмадим тафаккур,
Қўрқмадим қиб тасаввур,
Аллохга нима дейман?
Дардим бор шу жумлада,
Хафтада бир Жумъада,
Масжид томон юрмадим,
Аллохга нима дейман?
Айб қилиб айтмай узрим,
кўпларга қилдим кибрим,
Чаён таларми қабрим?
Аллохга нима дейман?
Номахрамни қучоқлаб,
Рақибларим пичоқлаб,
Яшадим элни талаб,
Аллохга нима дейман?
Берилиб кайф-сафога,
жафо қилдим вафога,
мукка кетдим зинога,
Аллохга нима дейман?
Ох, ақлимни занг босди,
жойнамозим чанг босди,
хатокордирман рости,
Аллохга нима дейман?
Мен пули кўп бечора,
тополмаяпман чора,
Аллох олмаску пора,
Аллохга нима дейман?
Нафсингга бердинг деб эрк,
Раббингга килдинг деб ширк,
дейилса:сенга ЖАННАТ БЕРК!
Аллохга нима дейман?
Юзланганимдир Каъбам,
илтижо қилсам хар дам,
Қабул бўларми тавбам?
Аллохга нима дейман?
Гунох бисёр, савоб йўқ,
Саволлар кўп, жавоб йўқ,
Мендай холи хароб йўқ,
Аллохга нима дейман?

Поделись с друзьями:

- Добавлен: zulfi-yuksel
- Дата публикации: 14.02.2016 16:38

Izoh yozib qoldirishni unutmang, sizning izohingiz bizning ishlash darajamizni oshiradi.