Boshimizdan tashvishlar ketdi, Orzularga qo'limiz yetdi, Siz yig'lamang endi hech qachon, Onajonim u kunlar o'tdi. Pok niyatlar qildi tantana, Uyimizga baxt keldi yana, Yoningizda turibman mana, Onajonim u kunlar o'tdi. Ko'nglimiz ham qornimiz ham to'q, Ustimiz but bir g'amimiz yo'q, Yurtimiz tinch, baxtimiz to'liq, Onajonim u kunlar o'tdi. Yashnab yuring bog' bo'lib yuring, Baxtimizga sog' bo'lib yuring, Keksalikning gashtini suring, Onajonim u kunlar o'tdi. Utgan kunni eslab yig'lamang, Joningizni ortiq tig'lamang, Endi aslo g'amni yo'qlamang, Onajonim u kunlar o'tdi. Har kimsani sinaydi taqdir, Eslaganda ezilar bag'r, O'tib ketdi Xudoga shukur, Onajonim u kunlar o'tdi. Eh kimlardir qoldi uyatda, Sabr qildik yetdik niyatga, Omad kulib boqdi Ahadga, Onajonim u kunlar o'tdi...