Sher
Sher
Кимларнинг тинмайди асло нолиши,
Кимларнинг юрмайди бошлаган иши.
Куйма, ризқи бўлар бор бўлса тиши-
Унутма, ёруғдир ойнинг ўн беши.
Рўзғорингда кўпми ҳали камларинг,
Қуримаяптими кўздан намларинг.
Душманмас, дўстга ҳам айтма ғамларинг-
Унутма, ёруғдир ойнинг ўн беши.
Қўшнинг бой бўлдими, эздими ҳасад,
Унга бериптими Яратган фақат?
Сабр қил, сенга ҳам келади навбат-
Унутма, ёруғдир ойнинг ўн беши.
Равон бўлиб кетар бир куни йўлинг,
Кўпайиб ҳам қолар бир куни пулинг.
Қизинг ҳам бўлади, бўлади ўғлинг-
Унутма, ёруғдир ойнинг ўн беши.
Ернинг устидасан, шунга шукур қил,
Сендан забунлар бор, қара, фикр қил.
Каримберди, умид узма, сабр қил-
Унутма, ёруғдир ойнинг ўн беши
Поделись с друзьями:
- Добавлен: _BEK_
- Дата публикации: 03.04.2016 18:42
