2016 yilning 18 oktyabr kuni Farg‘ona viloyati hududida O‘zbekiston Respublikasi Mudofaa vazirligining reja asosida parvoz qilgan Mi-171 vertolyoti halokatga uchradi. Halokat oqibatida 3 ekipaj a’zosi va vertolyotda bo‘lgan O‘zbekiston Respublikasi Qurolli Kuchlarining 6 harbiy xizmatchisi halok bo‘ldi. Bu haqda «O‘zbekiston» telekanali orqali ma’lum qilingan.

Vazirlik matbuot xizmatining ma’lumot berishicha, aviahalokat sabablarini tekshirish bo‘yicha maxsus komissiya tashkil etilgan.

«O‘zbekiston rahbariyati halok bo‘lganlarning oila a’zolari va yaqinlariga chuqur hamdardlik bildiradi», deyilgan xabarda.