Nega yosh yigit qizlar keyingi paytda internetda tanishishga qiziqib borayotganlari haqida hech o'ylab ko'rganmisiz? Birinchidan bu tanishishning eng oson yo'li. Ikkinchidan o'zingiz haqingizda istagan narsani to'qib yozishingiz, haqqoniy ma'lumotlarni esa oshkor etmasligingiz, sizni qiziqtirgan savollarning barini uyalmasdan so'rashingiz, biror narsani yozib yoki qarama-qarshi tomon yozayotgan satrlarni o'qib hissiyotlaringizni ko'rsatmasligingiz mumkin. Hech kim sizni ko'rmaydi ham, eshitmaydi ham. Ammo qanchalik yashirishga harakat qilmaylik yuborayotgan nomalarimiz oz bo'lsada bizning fe'l-atvorimiz,kayfiyatimiz, dunyoqarashimizni oshkor etadi. Yozishmalar orqali suhbatlashayotganda ham so'zlashuv madaniyatini yoddan chiqarmaslik lozim.
Masalan hayotda qanchalik xushmuomala bo'lmang, internet tarmog'iga ulangach u yerdagi barcha onlayn tanishlaringiz bn salomlashish shart emas. Endigina ulangan kishilarga ham "salomcha"larning yuborilishi o'rinsiz. Siz biror kishi bn suhbatlashmoqchi bo'lyapsiz, lekin 2-tomon sizga javob yizmayapti, unga kwtma-ket xabar yuborib bezovta qilmang. Suhbatdoshingiz savollaringizga javob berishdan to'xtab qolsa uni ko'p ham bezovta qilmang. Deyarli barcha muloqot u.n mavjud bo'lgan programmalarda foydalanuvchilar u.n individual belgilarni (status) qollashga imkoniyat yaratilgan. Bu imkon juda qulay. Chunki muloqotdoshingiz sizning nima bn band ekanligingizni, o'z navbatida siz ham uning nima band ekanligini ko'rasiz. Shuni bilib turib ham unga bo'lar-bo'lmas savollar bn murojaat qilavermang. 
Tarmoqning narigi tarafidagi kishi sizga qo'pol muomala qilsa yoki sharm-hayosiz nomalar yuborsa unga xuddi shunday javob berishga shoshilmang. Siz undan yuztuban yuqori turasiz. O'zingizni u kabi pastga urmang. 
Tanishingizning logini, rasmi, telefon raqamini uning ruxsatisiz hech kimga bera ko'rmang.