Дангасаликдан қутулиш сари 7 қадам

Ko'zdan Kechirish

"Буни кейинроқ бажараман. Эртага қилсам-чи? Ё индинга қолдираймикан?" Бу гаплар қанчалик кўп ишлатасиз? Ҳар куни?! Ахир ўша "кейин" ҳам қачондир келиши керак-ку! Унгача уйингиздаги юмушлар йиғилиб қолади-ку!

Нима йўқотаётганингизни ўйлаб кўринг. Тил ўрганишни орқага сураяпсизми? Унда сизни хорижга хизмат сафарига юборишмайди. Овқатни кечиктирсангиз, йўқ жойдан жанжал чиқиб, кўнгил хира бўлади.

Ўзингизга рағбатлантирувчи омил топинг. Атрофингизга назар ташланг: тенгқурларингиз сиздан ўзиб кетибди-ку! Хасадингиз келаяптими? Унда ишланг!

Диққатингизни чалғитманг. Муҳим ҳисоботни тайёрлашингиз керакми? "Бутун дунё ўргимчак тўри"га илинмасликка ҳаракат қилинг. Аввал ишни бажаринг, қолгани кутиб туради.

Олдингизда турган ишлар жуда кўп бўлса, уларни қисмларга бўлиб, энг осонидан бошланг. Ёки аксинча, энг қийин ишни бажариб бўлгач, қолгани чўт бўлмай қолади.

Сиз ишлаётганизда ўзгалар безовта қилмаслигини таъминланг. Телефон, турли гурунглар одамни ишдан чалғитади. Уларга берилмаслик тадбирларини кўринг.

Ўзингизга иш йиғманг. Масалан, баъзи ишлар (мисол учун, идиш ювиш)ни ўша заҳоти қилган маъқул. Чунки тартиб ўрнатишдан кўра уни сақлаб туриш осонроқ.

Ўзингиз каби ўзгаришни истаётган ҳамфикрни топинг. Бир-бирингизга эришган энг кичкина ютуқларни-да гапириб беришга келишиб олинг. Шунда ўзингизни каттароқ ишларни бажаришга рағбатлантирасиз.

Маслаҳатларни шу жойигача ўқиб тугатдингизми? Демак, дангасалик занжирини узишни бошлабсиз. Натижалар кўзга ташланиши билан ютуқларни ўзингизга-ўзингиз совға қилиб мустаҳкамланг.

Поделись с друзьями:

- Добавлен: Moqina.Net
- Дата публикации: 10.04.2016 02:29
- Категория: Ro'zg'or Maktabi!

Izoh yozib qoldirishni unutmang, sizning izohingiz bizning ishlash darajamizni oshiradi.