Matoni suvda ivitishdan avval unga yopishtirilgan yorlig‘iga nazar soling. Qanday haroratda, qanday kir yuvish kukunidan foydalanish lozimligini bilib oling. Bu kiyimning uzoq xizmat qilishida juda muhim.
- Mato rangi ham e’tibordan chetda qolmasin. Issiq suvga bir uchini botirib ko‘rishingiz mumkin. Agarda suvga ozgina rangi chiqsa, demak, issiq suv ishlatib bo‘lmaydi. Aksincha bo‘lsa bemalol ivitib yuvishingiz mumkin.
- Yodingizda bo‘lsin, kir oqartiruvchi eritmaning hammasi ham foydali bo‘lavermaydi. Avval matoning yorlig‘ida oqartiruvchi eritma uchun ruxsat bor-yo‘qligiga qiziqib ko‘ring. Chunki ba’zi matolar ko‘rinishidan mustahkam bo‘lsa-da, aslida turli eritmali ishqorlarga juda ta’sirchan bo‘ladi. Natijada esa matoning rangi xiralashishi yoki umuman zararlanishi mumkin.
- Suvga kir yuvish kukunidan solganingizdan so‘ng albatta uni aralashtiring. Yo‘qsa, kiyim matosida kukuning rangi saqlanib qoladi.
- Yuvilgan kirlarni albatta sovuq suvda chaying. Chunki sovuq suv libos matosini taranglashtiradi va kir yuvish kukunidan hosil bo‘lgan ko‘pikni yaxshi ketkazadi.