Saytni Yuklab bo'lmadi
Ko’pchilik insonlarning eng sevimli so’zlari “ertaga” yoki “keyinroq” bo’lsa ajab emas. Muhim ish qilish payti kelganda uni ortga suraveradigan insonlar o’sishga erisha olmaydilar. Ammo bu odatdan osongina qutulib olish mumkin. Bugun Moqina.Netda ishlarni keyinga qoldirishni bas qilishga yordam beruvchi maslahatlarni taqdim etamiz. Marhamat!
“Yaqinda” tushunchasi bir kun yoki bir necha hafta ma’nosida ham tushunilishi mumkin. Agar insonlarga va’da berayotgan bo’lsangiz, aniq vaqtni aytishga odatlaning va va’dangiz ustidan chiqishga harakat qiling. Misol uchun: “Bu ma’lumot sizning stolingizda payshanba kuni soat 4:00 da bo’ladi” deganingiz ma’qul ishdir.
Ishlaringizni muhimidan boshlang. Ko’pgina ishlar muhim ahamiyatga ega bo’lishi mumkin: Sizga elektron xat kelgani yoki telefonda muhim ishingizni hal qilishingiz kerakligi haqidagi eslatma. Siz bu ishni muhimligini xatni o’qiganingizda yoki telefonda suhbat qurganingizdan so’nggina bilishingiz mumkin. Xatlarga kuniga 2 yoki 3 marta javob berishga odatlaning. Agar ishingiz ko’p bo’lsa, hamkasblaringizdan telefonga javob berishni iltimos qiling.
Uy ishlarining eng muhimi ularni boshlash. Kiyimga dazmol qilish yoki unitazni tozalash hech kimga ilhom bag’ishlamaydi. Shunda “Buni hozir qilaman” deb ovoz chiqarib aytishni o’rganing.
Siz o’zingizga: “hozir, avval choy ichib olay, so’ngra boshlayman” deganingiz bilan bu choy ichish divanda televizor ko’rishga ulanib, so’ngra internetda muloqotga aylanib ketishi haqida nima deysiz? Internetdan chiqqaningizda qancha vaqtingiz o’tib ketganini bilasizmi? Bu holda quyidagi usulni qo’llang: O’zingizni rag’batlantirish uchun mukofot tayinlang. Masalan, bajargan ishingiz uchun choy bilan pechenya.
Ish vaqtida keraksiz gaplar bilan sizni vaqtingizni o’g’irlovchilardan yiroqda bo’ling. Agar ular bilan suhbatlashishdan yuz o’gira olmasangiz suhbatni qisqaroq qilishga harakat qiling. Agar tanishingiz suhbatni quyidagi so’zlar bilan boshlasa: “Kecha kechqurun men bilan nima voqea bo’lganini bilsang edi” siz unga meni muhimroq ishlar kutmoqda deb javob berib, suhbatdan bosh tortishni o’rganing. Agar siz vaqt o’g’rilari bilan suhbatlashishni istamasangiz oldindan suhbatni qisqa qilish yo’llarini ishlab chiqing.
Har bir insonning ish davomida ko’p yoki kam samara bilan ishlash soatlari mavjud. Lekin: “Men sayroqi qush emasman” deyish sizni ishingizni to’liq bajarmasligingizga omil bo’lmasligini bilishingiz zarur. Agar siz yuqori samara bilan ishlash soatingizni bilsangiz, shu vaqtni muhim ishlarni to’liq bajarishga sarf qiling.