Қадимда ота-боболаримиз “Йўл азоби - гўр азоби”, деб бекорга айтишмаган. Уларнинг ҳар бир гапида ҳикмат яширинганидек, ушбу жумлаларда ҳам чуқур маъно яширин. Агар сиз чиққан йўл равон бўлмаса, тан олиб айтиш керакки, на сафарингизда маъно қолади, на сизбундан роҳатлана оласиз.

Ҳозирги даврга келиб, йўл қурилиши услубларида бир қанча ўзгаришлар бўлди. Асфальт ва турли йўл қопламалари ясаш ўзлаштирилди. Аммо дунёнинг айрим жойларида йўл деган тушунчани, фақат шаҳар ичида ҳис қилишингиз мумкин. Шаҳар ташқарисига чиқишингиз билан йўл деган номнинг ўзи қолади, холос. Қўпорилган жойлар, чуқурлар ва яна турли ноқулайликларга бирин-кетин учрайверасиз.

Биз ана шундай 10 та йўл топдикки, бу йўллардан ўтиш одамдан ботирлик ва маҳорат талаб этади.

Қорақум шоссеси, Покистон/Хитой

Бу йўл дунёда тоғлар бағридан ўтадиган 1300 км. ли энг узун халқаро йўл ҳисобланади. У 4693 метр баландликда Қорақум тоғ тизмасидан ўтади. Йўлни қор кўчиш хавфи юқори бўлганлиги сабаб қиш ойларида бутунлай ёпиб ташлашади.

Далтон шоссеси, Аляска 

Бу йўл дунёнинг энг овлоқ йўли ҳисобланади. Йўл Транс-Аляска трубопроводи ёнидан ўтган бўлиб, ён атрофида ўрмондан бошқа ҳеч нарса йўқ. Бу йўлдан ўтмоқчи бўлсангиз, кераклигича озиқ-овқат ва ичимлик суви ғамлаб олишингизга тўғри келади. 667 км. ли ушбу йўлда атиги учта аҳоли яшаш пунткти жойлашган бўлиб, унда фақатгина 60 нафар одам яшайди.

Tianmen Mountain йўли, Хитой 

Бу йўл 10 км. ни ташкил этади. Йўлда 99 та хавфли бурилиш бўлиб, кўтарилиб тушиш, бошланиш ва охирги нуқтаси 1 км. ни ташкил этади. 

Zojila Pass, Ҳиндистон

Ладакх ва Кашмирни бирлаштириб турадиган бу йўлнинг узунлиги 9 км. бўлиб, у денгиз сатҳидан 3353 метр баландликдан ўтади. Йўл шу қадар торки, бу ҳам етмагандек унда уй ҳайвонлари билан ёнма-ён ҳаракатланишингизга тўғри келади.

Транссибирь магистрали, Россия

11 000 км. масофадан ташкил топган бу йўл мамлакатнинг ғарби билан шарқини бирлаштириб, асфальт қилинган автотрассадан тупроқ билан қопланган йўлгача ўзгариб боради. Йўлнинг шарқий ҳудудида ёмғир ёққанидан, қиш ойларида кучли қор ёғинларидан сўнг ҳаракат қилишнинг умуман имкони қолмайди.

“Даҳшатли йўл”, Норвегия 

Бу тоғли тўлқинсимон йўлдан фақатгина баҳор ва ёз ойларида ўтиш мумкин. Йилнинг куз ва қиш ойларида йўл ёпиб қўйилади. Бу йўлда 11 та турли хил хавфли бурилиш бор. Айрим жойларининг эни 3,3 метрдан ошмайди.

Пассаж дю Гуа, Франция

Йўлда суткада бир неча соатгина ҳаракатланишга рухсат берилади. Қолган вақтларда у сув остида бўлади. Бу йўлнинг 4-5 км. ичкарисига киришдан олдин сувнинг кўтарилиш ва чекиниш вақтларини аниқ билиб олганингиз маъқул. Акс ҳолда, машинингиз билан сув остида қолишингиз мумкин. 

Халсема, Филиппин

Йўлнинг асфальт қопламаси тугаганидан сўнг тупроқли йўл эмас, йўлак бошланади. Бир дона машина бу ерга аранг сиғади. Бу ҳам етмагандек, тоғ кўчмалари ва тепаликдан кўчиб тушган уюмлар билан қопланиб ётади. Йўл четидаги тўсиқлар ҳам айим жойларга қўйилган холос.

Капитанлар йўли, Янги Зеландия

Бу йўл 1862 йилда тилла қидирувчилар томонидан Штовер дарёсида олтин топилганидан сўнг қурилган бўлиб, йўлнинг жуда кўп қисми тор ҳолатда. Унда икки автомобилнинг ҳаракат қилиш имконияти мавжуд эмас. Йўлнинг кўп қисмига ҳимоя тўсиқлари ўрнатилмаган.

North Yungas, Боливия 

“Ўлим йўли” деб норасмий ном олган ушбу йўл Коройко ва Ла-Пас шаҳарларини ўзаро боғлаб туради. Йўл жуда тор бўлиб, айрим жойларидан бир дона машина ҳам аранг ўтади. Асфальт қопламаси йўлнинг бир қисмигагина етган холос. Қолган жойлари лой ва балчиқдан иборат.