Агар сиз бир хил ўтгувчи кунлар, зерикарли ҳаётдан чарчаган бўлсангиз, ёрқин воқеаларни бошдан кечиришни ёки қизиқарли саргузаштларга бой саёҳат қилишни истаётган бўлсангиз, бир сўз билан айтганда хавфли жойларда бўлиб, тепа сочингизни тикка қилишни истасангиз, сизга ана шундай масканлардан бирини тавсия этамиз. Демак сиз билан Осиё бўйлаб саёҳат қиламиз.

Ушбу фотосуратларга назар ташлар экансиз, тасвирнинг ўзи инсон кўнглига ваҳима солади. Бу маскан баландликдан қўрқадиган инсонлар учун Хитойнинг Хуаинь шаҳридан унча узоқ бўлмаган Хуашань оролидаги тоғ бўлиб, унинг қиялигида жуда хавфли чўққи бор. Американинг энг баланд тепалиги ҳам бу чўққи олдида ҳеч нарса бўлмай қолади. Ишонаверинг.

Ушбу жой мана шундай кўринишдаги зинапоялар билан бошланади ва кўпчиликнинг оёғи манзил бўйлаб кўтарилмасдан  чарчаб қолади.

Бу саёҳатнинг бошланиши холос. Энг қизиғи ҳали олдинда. Манзилга етган сайёҳлар, бу зинапоялар йўлнинг энг осони эканлигини англайдилар.

Манзил бўйлаб ҳаркатланган одамнинг боши айланади, қон босими бор инсонлар эса, ҳамма нарсани унутади.

Аммо бошқа жиҳатдан олиб қараганда чўққидаги гўзал манзаралр бу қийинчиликларни бошдан кечиришга арзийди.

Кейинги босқич – осма йўл. Бу осма йўл шу ердан бошқа чўққига олиб боради ва у ердан янги манзил бошланади.

Бу осма йўлдан ўтаман деган қаҳрамонларни мана шундай манзил кутмоқда.

Бу расмни кўрган ҳар қандай одамнинг ҳаёлига, аввало, пастга қарамаслик келади, ишонинг, сайёҳларнинг деярли барчаси шундай қилади.

Яна бир кичкина сюрприз. Энг қимматли қояга элтувчи яна бир йўл бу – майда қояларни мана шундай босиб ўтиш.

Албатта, бу  қизиқарли саёҳат инсон ҳаётини таҳликага солиши аниқ.

Шуни айтиш керакки, Хаушань – Хитойдаги бешта Муқаддас даосизм қояларидан биридир. Ва ҳар йили бу ерга минглаб саёҳатчилар қаҳрамонлик кўрсатиб, қояларни томоша қилишга келишади.

Манзилнинг охиригача етиб келган ҳар бир сайёҳга чой ичиладиган масканга айлантирилган қадимги даос ибодатхонасини томоша қилишга муяссар бўлишади.

Чўққининг энг баланд қисмига етганингда ҳамма нарсани унутасан. Табиат гўзаллиги, жонли манзаранинг мафтункорлигидан қандай қийинчилик билан оғир йўлни босиб ўтганинг ҳам ёдингдан чиқиб кетади.

Ҳа, бунақа хавфли йўлни босиб ўтишга ҳамманинг ҳам юраги дов бермайди. Айниқса, баландликдан чўчувчи инсонлар яхшиси бу манзараларни фотосуратларда томоша қилиш билан чегараланишади. Бу каби фотосуратларни мукаммал олиш учун эса, "Ўргимчак одам" бўлиш керак.