«Карьерам давомида 9000 марта панд едим, 300 га яқин ўйинда ютқаздим. 26 бор ҳал қилувчи ўйинда ишончни оқлолмадим. Булар ортидан эса... ўзлигим, йўналишим ва омадимни қувиб етдим». Баскетбол тарихида афсонавий юлдуз дея таърифланган Майкл Жордан ана шу тариқа омад зинапоясидан кўтарилган.
«Менда нохуш ҳодисалар бўлмаган, шунчаки, иш бермайдиган ўн мингта усулни кўриб чиққанман, холос». Электрон чироқлар ихтирочиси Томас Эдисонни билим олишга қобилияти йўқ, дея мактабга қабул қилишмаган. Аммо «Тажриба — омад калити», дея у ихтирочига айланган.
«Супермен» фильмининг бош роли ижрочиси Кристофер Рив хасталаниб, фалаж бўлиб қолганида, кўпчилик актёрнинг карьераси тугади, дея башорат қилганди. У эса «Эрталаб аҳволимга йиғлаб олишим учун 20 дақиқа кифоя. Чунки шундан кейин қани олға дея, ўрнимдан қўзғалишга ҳаракат қиламан», дея ҳаммани ҳайратга солган.
Бетховен улғайгани сайин эшитиш қобилиятидан айрилиб борган. Тўртта энг машҳур мусиқа асарини ёзиб тугатганида эса у мутлақо кар эди. «Мақсад бўлса, интилиш учун куч топилади, муҳими, бунга ишониш», деган эди у.
«Баъзилар мўмай пул топсам, дея хаёл қилади, айримлар эса бу ишни мен учун кимдир бажарса эди, дейди. Бошқалар эса ғоясини амалга оширадию, мақсадига етади. Сиз учинчи тоифани танланг», дейди Уорнер Баффету. Болалигидан таваккал қилишдан чўчимаган тадбиркор 6 ёшида бобосининг дўконини сотиб олган. Бугун эса унинг умумий маблағи 50 млрд. АҚШ долларини ташкил этади.
МАРЖОНА тайёрлади.
