Маълумки,қаҳва дунёга машҳур ичимликдир. Унинг такрорланмас таъми деярли барча таомлар билан уйғунлашиб кетади. Хушбўй ифори эса атрофдаги ўткир ҳидлар орасидан яққол ажралиб туради. Эрта тонгни қаҳва билан қарши оладиганлар ҳам кўплаб топилади.
Шунингдек, ушбу ичимликни севиб истеъмол қилинишига қарамай бугунги кунгача батамом ўрганилиб бўлинмаган. Қаҳванинг зарарли тарафларини исботловчи кўплаб изланишлар олиб борилган ва бу қарашлар тарафдорлари ҳам кўплаб топилади. Аммо ушбу хуштаъм ичимликнинг соғлиққа жиддий зарар етказиши ҳақиқатдан жуда узоқдир. Бугун биз сизларга илм-фан куни кеча кашф этган қаҳва ҳақидаги қизиқарли маълумотларни сўзлаб берамиз.
Қаҳванинг жигарга таъсири
Италиянинг “Марио Негри” университети олимлари тасодифан шу хулосага келдилар, қаҳванинг жигарга ижобий таъсири мавжуд экан. Юқорида тасодифан сўзининг ишлатилганлигининг сабаби шуки, олимлар ушбу ичимликни ўт пуфагига таъсири устида иш олиб бориб, (гап шундаки, ушбу ичимлик ўт пуфагида юзага келиши мумкин бўлган тошларни олдини олар экан) тасодифан унинг жигарга ижобий таъсирини билиб қолганлар. Шунингдек, қаҳва жигар циррози касаллиги юзага келиш хавфини 50 фоизгача камайтирар экан.
Қаҳва ва биоритмлар
Ҳар бир замонавий инсон учун жет-лага (инсон танасини тунни тонг билан алмаштириши) тушунчаси маълумдир. Унинг олдини эса биз юқорида тилга олган ичимлик,қаҳва олади. Қаҳва нафақат тетиклаштира олади балки, биоритмни меъёрлаштиради ва уни акклиматизация, яъни мўътадиллаштиради.
Қаҳва ва паришонхотирлик
Бу борадаги изланишларни швейцариялик олимлар олиб борганлар. Илмий тажриба юқори ёшдаги альцгеймер (паришонхотирлик) касаллиги билан оғринганлиги мумкин бўлган одамлар орасида ўтказилди. Тажриба натижасига кўра, бир кун давомида ичилган уч пиёла қаҳва роппа-роса 65 фоиз касалланиш эҳтимолини пасайтиради.
Қаҳва ва ортиқча вазн
Кофеин сизнинг метаболизмингизни оширади ва бир вақтнинг ўзида иштаҳангизни пасайтиради. Хўш, бу ҳолат нимага сабаб бўлади? Тўппа тўғри, соғлом ва мустаҳкам қоматга эгалик қилишингизга сабаб бўлади. Фақат ёдда тутишингиз лозим, кофейинли диетани (парҳезни) машғулот билан мустаҳкамланг. Сабаби, озғин қоматли эркаклар урф бўлган давр анча ортда қолган.
Қаҳванинг юракга таъсири
Яна бир кенг тарқалган хато фикр бу — қаҳванинг юрак қон-томир тизимига салбий таъсир кўрсатишдир. Асилида эса, берклилик олимларнинг яқин кунлар аввал ўтказган изланишлари шуни кўрсадики, ҳар куни беш пиёла қаҳва истеъмол қиладиган инсонлар бошқа турдаги ичимликларни ичадиганлардан кўра, уч маротаба камроқ юрак касаллиги билан оғринар эканлар.
Қаҳва ва саратон касаллиги
Ўтган асрнинг 70-йилларида ўтказилган кўплаб изланишлар натижаларига кўра, қаҳва истеъмол қилиш орқали юзага келиши мумкин бўлган саратон касаллиги хатарини оширар эмиш. 2007 йилдаги қайта ўтказилган тажрибалар аксинча қаҳва саратон касаллиги ва кўкрак саратони билан касалланиш эҳтимоли пасайишини кўрсатди.
Қаҳва ва диабет
Япон олимларининг 2005 йилдаги чоп этилган маълумотларига кўра, қаҳва диабет билан касалланиш хавфига ижобий таъсир кўрсатади. 1 миллион ва ундан ортиқ кўнгиллилар иштирокида катта назорат гуруҳи жамланиб, улар орасида ўтказилган тажриба натижасида юқоридаги хулосага келинган.
Ана шунақа. Энди қўлингизда хушбўй хид таратиб турган қаҳвани ичиш олдидан ҳавотирга тушмасдан, унинг фойдали хислатларини эслаб, юзингизда ширин табассум юзага келса ажаб эмас.
