Барчамизнинг ҳаётимизда, ич – ичимизгача кириб, қалбимизни титрата оладиган сўзлар бўлган. Ушбу сўзлар, машҳур инсонлар томонидан айтилиши муҳим эмас. Ҳаттоки, сизга керакли гапни сиз, бехосдан, қўшнингиз ёки дустингиз билан бўлган суҳбатда эшитиб қолгандирсиз… Ушбу рукнимда турли хил инсонларни, турли ҳолатларда қалбан сингган сўзлар кетма-кетлигини келтирмоқчиман.

Винни Пух

Менинг руҳшуносим Винни Пух ва Пучуқвойнинг ўрмондаги расмини берди. Унда бир нималар ёзилган эди “,,,Бир ўйлаб кўр, Пух, дарахтнинг тагида бўлганимизда, дарахт йиқилиб қолса ҳа?” – деб айти Қучуқвой. – “Кел, яхшиси, шу дарахт йиқилмайди деб, ўйлай қолайлик’, — дейди Пух, узоқ тикилиб.

Ҳар доим, бирон – бир вазият жуда қийин кўринганида, шу гапларни эслашга ҳаракат қиламан. Бу гаплар, менга тинчланишга ва яхшилаб фикрлашга ёрдам беради.

Она

Менинг онам ўлаётган эди. Дўстим менга: “Онанг учун йиғлашга ҳали бир умрлик умринг бор, буни унинг кўз олдида қилма” –деди.

Унинг сўзлари менга, ҳиссиётлар доим ҳам муҳим эмаслигини ўргатди. Агарда вас-васанинг олдини ола олсанг, олгин, бу усул менга ҳаётда кўп маротаба қўл келди.

Костер

“Бировларни иситиш учун, ўзингни ёқишинг шарт эмас”.

Бу мен учун янгилик бўла олди: ота – онамнинг оғир муносабатлари орасида қолиб кетган қизалоқ сифатида вояга етдим. Балоғат ёшимда эса, ўртоқларимнинг қалбий муаммоларини ечиш билан банд эдим. Инсон сифатида, ярим умримни бировларнинг муаммоларини ечиш билан ўтказдим. Аммо ҳар сафар ҳам бировларни деб куйиб-пишиш керак эмаслигини билиб, ҳайратда қолган эдим.

Атрофимиздаги ўқитувчилар

“Ҳаётда ҳар бир учратганинг, сен билмаган ниманидир билади”, — деб, бир куни менга бобомлар айтувдилар. Бу гап ҳар гал менга, атрофимни ўқитувчилар қуршаб олганини эсимга солади.

Аравача

Яқинда, ногиронлар аравачасида ўтирган бир болага кўзим тушди. У менга, бир куни ундан аравачага михланиб қолгани ҳақида сўраганларини айтиб берди. Унинг жавоби “Мен аравачага михланиб қолган эмасман, мен унинг ёрдами билан озодман. Агарда аравача бўлмаганида эди, мен тўшакда ётган, касал бир бола бўлардим. Ўз уйимни, хонамни тарк этолмаган бўлардим”, -дебди.

Ҳаётнинг ўзи катта муаллим, қоқилиб, қийналиб тик туришни ўрганамиз, деб қолувчи Сизнинг Moqina.Netингиз.

Зарнигор Хаятова