КЕТИНГ!
Узилсин ул ёлғон ришталар.
Кумуш тангаларга чўмилган тунда.
Ҳижрон тирноқлари билан тимдалар,
Ўзи оғриб турган кўнглимни кунда.

КЕТИНГ!
Кўзимга бир қатм илинса уйқу,
Ўлимга баробар бўлган онимда.
Уйғониб,туш дея ўйлайин сизни,
Фироқ ётган бўлсин ёнимда.
        
КЕТИНГ!
Ёзаверай йиғлоқи шеърлар,
Минг тилга ўгирсин уларни тилмоч.
Сиз гўё алдамчи баҳорим менинг,
Мен кечикиб келган қалдирғоч.

КЕТИНГ!
Мен қайтадан келай дунёга,
Қайтадан битилсин тақдири-азал.
Қирғичда қирилиб яшамоқликдан,
Қорда қалдирғочдек жон бермоқ авзал.

КЕТИНГ!
Ўтинч эмас, бу қатъий қарор,
Ишқ туғиб,воз кечиб кетган боламан.
Дунёйим эдингиз...
Бевафо дунё!
ЭНДИ БУ ДУНЁДА ҚАНДАЙ ҚОЛАМАН?!

Малика Салимова