Biram so'limsiz biram xushbo'y.
Rayhonlarga alishmayman sizni.
Siz oy bo'lib yarqirangchi.
Osmonlarga alishmayman sizni.

Ko'ngilga o't yoqib yuring.
Oshiq dilga boqib yuring.
Ko'z munchoq taqib yuring.
Yomonlarga alishmayman sizni.

Men kim bo'ldim shoir bo'lib.
Qalbim yig'lar to'lib-to'lib.
Bir so'z demang keling kulib.
Zamonlarga alishmayman sizni.

Qalbimga bir nido berdi.
Qo'shiq berdi sado berdi.
Sizni menga huddo berdi.
Dunyolarga alishmayman sizni.

Hijron undi izlarimdan.
Adashdim o'z so'zlarimdan.
Dardim biling ko'zlarimdan.
Yolg'onlarga alishmayman sizni.

Chiqsa-chiqgan mastonalar.
Yo'lingizda bo'lsa devonalar.
Qon yutsa hamki g'amxonalar.
Armonlarga alishmayman sizni.

Yonginamda bo'lib turing.
Dardlarimni so'rab yuring.
O'zga oshiqlaringizni unuting.
Birovlarga alishmayman sizni.