Tongda esgan mayin sabolar,
Yorim sochin silab qaytinglar.
Samolarda uchgan qushchalar,
Unga salomimni aytinglar...

Sog'inchlardan yasay guldasta,
Boqsin unga hamma havasda,
Dilimdagi dardlarim asta,
Yorginamga borib aytinglar...

Sog'inchdan bu dilim vayron,
Uni ko'rmay men lolu hayron,
Ko'zlarim yo'lingda giryon,
Sog'inganim borib yorga aytinglar,

Yillar chertsin ko'ngil torini,
Bilib keling yorim holini,
Sevar bo'lsa u ham yorini,
Yeldek qaytib menga aytinglar...

Asliddin Do'stov Kuyi...