Saytni Yuklab bo'lmadi
Yor, seni kutyapman ko'zlarim giryon,
Yuragim ezildi jamoling eslab.
O'tiraman xomush, ko'nglim parishon,
Telba bo'lib qoldim visoling qo'msab.
Yor, seni kutyapman yuragim vayron,
Faqat bir bor ko'ray yetolmasam ham.
Sevishgan lahzalar o'tgan har bir on,
Meni kundan kunga qiynar tashvish-g'am.
Yor, seni kutyapman ko'nglimda armon,
Seni tezroq ko'rish orzusidaman.
Hech narsa bo'lolmas dardimga darmon,
Qayg'u alamlarning yog'dusidaman.
Yor, seni kutyapman har lahza, har on,
Hozir kelar deya seni o'ylayman.
Mayli kelmasang ham yurgin sog'-omon,
Qalbim navolarin oyga so'ylayman.
Orziqib kutyapman, kutarman hamon,
Umrim oxirigacha kutaveraman.
Toki jismim ichra bor ekan bu jon,
Yolg'iz seni kutib o'taveraman...