Saytni Yuklab bo'lmadi
Qachondir so'zlarim yoqib tushadi
Qachondir ularni yodga olasan
Mehring yuragingdan oqib tushadi
Qachondir sen meni sevib qolasan.
Cho'chib uygonasan shirin so'zlardan
Adoqsiz tushlaring siquvlaridan
Xijolat tortmagin tuyg'ularingdan
Qachondir sen meni sevib qolasan.
Lablaring kuyadi ismimni ayta
Va shundan boshlanar hayoting qayta
Ko'zlaringni to'sgan g'uborni arta
Qachondir sen meni sevib qolasan.
Qachondir cho'g' bo'lar qizib yanog'ing
Qaynoq bo'salarni sezib dudog'ing
Ishonaver erkam ishon qarog'im
Qachondir sen meni sevib qolasan.
O'shanda dillarda so'zlaring tugun
O'gitlar birlashib bo'lar bir butun
Ehtimol ertaga, ehtimol bugun
Qachondir sen meni sevib qolasan.
Ungacha hijronda o'rtanib o'tay
Ishqing shevalarin o'rganib o'tay
Hozir qulog'ingga bashorat aytay
Qachondir sen meni sevib qolasan...