Saytni Yuklab bo'lmadi
Uyg'ondingmi do'stim oh tabriklarim,
Ming shukur salomat ekan jonu-tan,
Bugun bir qiziqdim har tong ertalab,
O'n sakkizming inson uyg'onmas ekan.
Yomon tush ko'rdingmi? bu emas qayg'u,
Nimalar kirmaydi tushga deganlar,
Tasavvur qilgina millionlab bemor,
Tunlari bir chimdim uhlolmas ekanlar.
Dasturxon yozildi xonadoningda,
Qosh o'yma salgina suvi qochgan non,
Qaydadir o'qidim bir burda nonga,
Zor ekan bir million sakkizyuz odam.
Bolalar shovquni yoqmas quloqqa,
Shukur qil ulg'ayib qoldilar ancha,
Eh do'stim nolima yoruq olamda,
Tirnoqqa zor bo'lib yurganlar qancha.
Ming shukur yurting tinch, ro'zg'oring butun,
Tomoqdan suv o'tar ko'zlaring ravshan
Bilmasang bilib qo'y minglab musofir,
Sen tepgan tuproqni topmay yig'lashar...
Malika Salimova