Sog'ina sog'ina sog'inmay qo'ydim,
Endi menga baribir kelsang, kelmasang.
Qo'lingdan kelsa gar osmonni tashla
Endi menga baribir sevsang sevmasang.

Sog'ina sog'ina sog'inmay qo'ydim,
Xo'p telba ko'nglinga cho'pchaklar aytdim.
Aldashni o'rgandim yurakni boplab
Daryoga oborib sug'ormay qaytdim.

Sog'ina sog'ina sog'inmay qo'ydim,
Tili bo'lsa aytsin shu to'rt devorning.
Endi men sira ham yig'lamay qo'ydim
Qo'limga olmayman endi ishq torini.

Sog'ina sog'ina sog'inmay qo'ydim,
Ko'ksimga bir mushtlab oxir unutdim.
Endi sen kimsanu, nedir muhabbat
Sog'ina sog'ina ado bo'ldim,
Sog'ina sog'ina unutdim qo'ydim.

( Dilshoda... )