Mana necha kunki saqlayman sukut,
Yoninga borishga yo'q bir bahona.
Vasling orzusida lablari yoqut
Yo'q men kabi oshiq-u devona.

Goho seni o'ylab aqlim parishon,
Goho sening ko'nglingda yonaman unsiz.
Goh torlik qiladi zaminu osmon
Goh hayot tuyular menga mazmunsiz.

Goho seni o'ylab bir o'zim tanxo,
Yulduzli osmonni kuzataman jim.
Osmonda nomma-nom yulduzlar paydo
Ajabo qaysi ekan mening yulduzim.

Balki u chiqmagan hali osmonda,
Balki to'sib turar huv o'sha bulut.
Nahot men dilimni botirib qonga
Bulut yo'qolguncha qilaman sukut.

Balki yulduzimni ko'rolmayman hech,
Bulutdan yuqori chiqmay osmonga.
Yetib borganimda bo'lmas makon hech
Uchib ketmasidan boshqa tomonga.

( Dilshoda... )