Saytni Yuklab bo'lmadi
Kechir meni, sevgim izhor etolmadim,
Yonginamda o'sgan gulga yetolmadim.
Yonog'ingdan bitta bo'sa ololmadim,
Visolingga yetishibdi mendan bo'lak.
Taqdir shu, - deb ovutaman men o'zimni,
Ammo yurak tan olmaydi bu so'zimni,
O'z qo'limla o'ygim kelar o'z ko'zimni,
Visolingga yetishibdi mendan bo'lak.
Hijron degan shunchalar ham achchiqmikan,
Gulga bossam yuzlarimni tirnar tikan,
Qo'y yig'lama, sag'ir sevgim, taqdir ekan,
Visolingga yetishibdi mendan bo'lak.
Ko'zlarimda qonli yoshim qotdi mangu,
Ariqlarda oqdi-ketdi shirin tuyg'u,
Ushbu kecha kimga baxtu, kimga qayg'u,
Visolingga yetishibdi mendan bo'lak.
Yor vasliga yetolmagan faqat menmi,
Har kimga ham baxt berolmas ekan sevgi.
Yorim desam, o'zga ekan uning tengi,
Janonimga yetishibdi mendan bo'lak.