Otasiz hovlining fayzi yo'q sira, 
Onasiz yorishmas birorta xonang. 
Qarasa ko'nglingga qaraydi lekin, 
Qo'lingga qaramas otayu onang!

Topsangu topmasang xaridoringdir, 
Qilmishing u.n ham gunohkoringdir.
Bersangu bermasang minnatdoringdir,
Qo'lingga qaramas otayu onang! 

O'nta bolani boqarkan ota, 
Bir otani boqa olmas o'nta bolasi. 
Boshin qoplaguncha toki oq tola, 
Qo'lingga qaramas otayu ona! 

Bir kuni eshikka boqarsan sen ham, 
Kunda bir yo'qlab qo'y quruq bo'lsa ham.
Yoniga o'tirgin bir fursat bir dam, 
Qo'lingga qaramas otayu onang!

Ko'nglini avayla, duosini ol, 
Oxirat savobin ziyosini ol 
Ey farzand bu gapning ma'nosini ol,
Qo'lingga qaramas otayu onang! 

Bog'lab qo'ymagandir har ikkisin ham 
Yo'qotsang naf bermas afsus bahonang. 
Qarasa yo'lingga qaraydi ammo,
Qo'lingga qaramas otayu onang!