Saytni Yuklab bo'lmadi
Yodingizni ko'nglin toqiga ilib,
Nima bo'pti, sizni sog'insa bir qiz...
Borligingizni-da baxti deb bilib,
Xotira albomga ovunsa bir qiz...
Ko'ksiga kechalar urganda xanjar,
Bolishga dardlarin aytib yig'lasa.
Dunyo keng, charx rangin bo'lsayu agar,
Siz sabab... Siz sabab sizg'masa...
Quyosh tinglamasa, ufqqa berkinib,
Mohni qiynamasa qalbining ohi.
Bir sizga intilib, sizga yukinib,
Yashagani bo'lsa yolg'iz gunohi...
Qiz yuragi o'zi shunday muammo,
Salga bu borliqdan to'yadi.
Unutadi, baxtli bo'ladi, ammo,
Nari borsa... Sevgiga ishonmay qo'yadi!..
Nima bo'pti...
Go'zal Ro'ziyeva