Jig’ildon qaynashi – qizilo’ngachda, ayniqsa, ayniqsa uning pastki qismida achinish sezilishi. Me’da suyuqlig’I aralashgan ovqat qizilo’ngachga chiqib, uning shilliq qavatiga ta’sir etishi, me’da funksiyasini buzilishi va boshqa omillar sabab bo’ladi. Ko’pincha me’da shirasida kislota ko’payganda yoki kamayib ketganida va, hatto, umuman bo’lmaganda kuzatiladi.

Me’da kasalliklari (me’da yarasi, gastrit)da, xoletsistitda, diafragma churrasida, xomiladorlikda, ba’zi ovqat mahsulotlari kishiga yoqmaganda va boshqa bir qator kasalliklarda jig’ildon qaynaydi. Jig’ildon qaynashiga davo qilishda avvalo uni keltirib chiqargan asosiy kasalliklar bartaraf etiladi. Jig’ildon qaynashini bosish maqsadida turli xiil ishqorli dorilarni shifokor bilan maslahatlashmay, pala partish ichish zararli oqibatlarga olib kelishi mumkin. Achchiq, sho’r, yog’li, qovurma ovqatlar iste’mol qilmaslik kerak.