Zarur masalliqlar: Xamirga: 200 gr un, 100 ml iliq sut, 3-4 choy qoshiq xamirturush, 1 dona tuxum, 30 gr sariyog', ta'bga ko'ra tuz va shakar. Bezak uchun: kunjut.

 Qiymasiga: 200 gr qiymalangan go'sht, 1 tadan bosh piyoz, pomidor, qizil bulg'orqalampiri, bir bo'lak sarimsoqpiyoz, 2 osh qoshiq kungaboqar yog'i, ko'katlar, 4 osh qoshiq konservalangan makkajo'hori, ta'bga ko'ra tuz va murch.

 1.Un va xamirturushni aralashtiring. Sut, shakar, tuz va eritilgan sariyog'ni ham qo'shing. Tuxum oqini xamirga solib, sarig'ini alohida idishga olib qo'ying. Masalliqlarni aralashtirib, xamir tayyorlang-da, ko'tarilishi uchun qoldiring.

 2. To'rtburchak shaklda to'g'ralgan bulg'or qalampiri, piyoz va pomidorni 3-4 daqiqa davomida yog'langan tovada qovuring.

 3. Masalliqlarga go'shtni qo'shib, qovurishni davom ettirasiz. So'ng makkajo'hori, sarimsoqpiyoz, tuz va zirivorlar solinadi. 2-3 daqiqadan keyin olovni o'chirib, to'g'ralgan ko'katlarni qo'shasiz-da, dimlaysiz.

3. Xamirni kichik zuvalachalarga ajratib chiqing. har birini dumaloq shaklda yoyib, ichiga qiymani soling-da, tuging. Kulcha yuzasiga atalangan tuxum sarg'ini surtib, kunjut sepasiz. Pishiriq 190 daraja haroratda qizdirilgan gaz pechiga qo'yiladi.

 Tayyorlanish vaqti: 40 daqiqa.

 8 kishilik.