Iste’mol qilinayotgan oqsillar miqdoriga alohida e’tibor beradiganlar uchun qaynatilgan tuxumdan ham ko‘ra to‘yimliroq va foydaliroq yegulikni topish qiyin. Biz siz uchun qattiq qilib pishirilgan tuxumni yeyishning bir necha ajoyib usullarini to‘pladik.

Sabzavotlar bilan

Qaynatilgan tuxumni mazaliroq qilish uchun uni dasturxonga turli xil sabzavotlar bilan birga tortish eng oson usul hisoblanadi. Sabzavotlarni va qaynatilgan tuxumlarni oddiygina qilib kesib qo‘ying.

Ziravorlar bilan

Bu usul oldingidan ham kamroq mehnat talab qiladi, lekin u o‘zingiz va oiladagilarga yoqadigan ziravorlar izlab topishni zimmangizga yuklaydi. Odatdagi xantal, mayonez, qizil qalampir va boshqa ziravorlarni ko‘rib o‘tirmasangiz ham bo‘ladi, chunki bularning deyarli hammasi har bir uyda bor. Karri, kurkuma, fermentlangan marinad yoki shunga o‘xshash ziravorlarni esa sotib olishga to‘g‘ri keladi.

Qirg‘ichda maydalangan

Kunlik taomnomangizdagi navbatdagi qaynatilgan tuxum yeyish uchun noqulay ko‘rinayotgan bo‘lsa, uni qirg‘ichda maydalang va tayyor ovqat ustiga seping. Bu ovqatingizni yanada to‘yimliroq va foydaliroq qilishga yordam beradi.

Tost bilan

Nonushta uchun tuxumni qovurish yoki quymoq qilishdan ham ko‘ra, qaynatish — bu haqiqatan ham ajoyib fikr, chunki bu usul uning nafaqat foydali sifatlarini oshiradi, balki jarayonni osonlashtiradi ham. Kesilgan tuxumlar, avokado va kepakli non bilan tost qiling.