Ҳаётда ҳамма нарса бўлиши мумкин. Баъзида смартфонимизни эсдан чиқариб, бирор жойда қолдириб кетамиз ва уларни йўқотиб қўямиз.

Эндиликда қидирув қаторига йўқолган смартфонни топишга ёрдам берувчи махсус буйруқни киритиш мумкин. Агар браузер ва смартфонинг ҳар иккаласи Google аккаунтига уланган бўлса, гаджет жойлашган ер харитада кўрсатилади.

Компания вакилларининг сўзларига қараганда, фойдаланувчилар бу функцияни жорий этишни анча аввал сўрашган. Google ўз қидирув тизимига смартфонни топиш учун мўлжалланган махсус буйруқни киритди. Бунинг учун эса қидирув қаторига find my phone (телефонимни топинг) деб ёзиш керак. 

Агар браузер ва смартфон ягона Google аккаунтига бириктирилган бўлса, у ҳолда варақда смартфонингиз жойлашган ерни кўрсатувчи харита пайдо бўлади. Унинг остида “Сигнал” тугмаси бор.

Қидирув жараёни мана шу ҳолда давом этади.

Функция ишлаши учун смартфонга "Google"нинг сўнгги версиясини ўрнатиб олиш лозим.

Аввало, смартфонингизни йўқотмасликни маслаҳат берамиз. Агар ана шундай вазият содир бўлса, "Google"нинг юқорида келтирилган функцияси сизга смартфонингизни топишда ёрдам беради.